Квентин Тарантино Weinstein Company-дің 4 млн доллардан аса қаржыны төлемегенін хабарлады
Қазіргі таңдағы танымал режиссерлардың бірі Квентин Тарантино өзіне Weinstein Company авторлық сыйақы ретінде 4 миллион доллардан аса қаржыны төлемегенін хабарлады. Тарантино былтыр масқара болған Харви Вайнштейнмен бірлесе отырып төрт ортақ жоба түсірген болатын. Режиссердің сөзінше, тақырға отыруына байланысты құжаттарға сәйкес «Грайндхаус» үшін 300 мың доллар, «Абыройсыз бейшара» (575 мың), «Босатылған Джанго» (1,25 миллион) және «Сұмдық сегіздік» (2,5 миллион) үшін тиісті қаржыны алмаған.
Дженнифер Лоуренс және Леонардо ДиКаприо Харви Ванштейннің компаниясының тақырға отыруына байланысты қаржылық жағынан жапа шеккен жұлдыздардың қатарында.Олар қазір компанияның қаржысын зерттеуге мүмкіндіктері болғанша Weinstein Company өзінің 300 миллион долларға бағаланатын активтерін сатпауын сұрауда. Лоуренс «Менің жігітім -жынды» фильмі үшін, ДиКаприо - «Босатылған Джанго» фильмі үшін тиісті қаржыларын алмаған.
«Қылмыстық оқиғалар» фильмінен бастап Вайнштейнмен бірнеше рет ортақ жұмыс істеген Тарантино дүйсенбі күні Weinstein компаниясының тақырға отыруы бойынша істері қаралып жатқан сотқа өтініш жасаған адамдардың бірі болды. Ол басқа да атақты адамдар секілді төлемақы құқын (авторлық сыйақыны осылай да атайды) активтерді сату алдында бекітілгенін сұрайды.
пікірлер жоқ, бірінші болыңыз
Пікір қалдыру үшін