«Мэнди»: сұсты Николас Кейдж байкерлер бандасына қарсы
RLJE Films студиясы итальяндық режиссер Панос Косматостың («Қара кемпірқосақтың басқа қыры») «Мэнди» триллерінің бірінші ролигін ұсынды. Биылғы қаңтарда таспа «Сандэнс» фестивалінде сыншылар мен көрермендердің жақсы пікірлеріне ие болды. Сұсты, кейде бағалана бермейтін Николас Кейдж («Адамзат бюросы», «Ана мен әке»), Голливудтағы актер-мем «Мэнди» арқылы үздік жұмысын көрсетті, ол ішкі түйсігі мол кейіпкерді тамаша ойнап шықты.
Рэд (Николас Кейдж) және Мэнди (Андреа Райзборо, «Жыныстылар шайқасы», «Түн жамылғанда») көлдің жағасында тыныш өмір сүріп жатады. Бірақ, кенеттен қорқынышты байкерлер бандасының желікпе көшбасшысы Иеремия Сэнд (Лайнас Роуч, «Әуе маршалы», «Викингтер» хикаясы) олардың үйіне баса-көктеп кіріп, жұмбақ ырым жасау үшін Мэндиді ұрлап әкетіп, оның жаны мен денесіне иелік етуді көздейді. Бұл сұмдық жағдай Рэдтің кек алуына дейін апарады.
«Мэнди» триллері 2018 жылдың 27 қыркүйегінен бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін