Рүстем Әбдірашов «Қазақ хандығын» екінші маусыммен аяқтамақ
Режиссер Рүстем Әбдірашов «Қазақ хандығы» киноэпосын екінші маусыммен аяқтамақ. Бұл туралы және басқа да шығармашылық жобалары жайында қоюшы «Кинокафе Әзиз Бейшеналиевпен» бағдарламасында айтып берді.
«Қазақ хандығында» маған ешкім кедергі болған жоқ: мен суретші сияқты қалағанымды жасаймын. Мен хикаяны қалай көрсем, солай түсіремін, көркем туынды жасаймын. Тарихты ешкім нақты білмейді ғой. Сондықтан, «Қазақ хандығына» мифтік шығарма ретінде қараған жөн. Бұл алғашқы қазақ хандары жайындағы деректі кино емес. Қазір екінші маусыммен тоқтатсам деп отырмын. Басқа кино түсіру жоспарда бар, бірақ қандай екенін әзірге айта алмаймын», - деп түсіндірді Рүстем Әбдірашов.
Еске салсақ, «Қазақ хандығы» - қазақ мемлекетінің құрылуы мен алғашқы билеушілері жайында баяндайтын көлемді тарихи оқиға. «Қазақ хандығы. Алмаз қылыш» бірінші бөлімі 2016 жылы желтоқсанда жарыққа шықты. 2017 жылы күзде «Қазақ хандығы. Алтын тақ» екінші бөлімінің түсірілімі өтті. Қазіргі таңда картина монтаждалып жатыр.
Әбдірашовтың айтуынша, көрермендерді таспаның толықметражды нұсқасы және 10 бөлімнен тұратын телевизиялық форматы күтіп тұр.
2 пікір
Пікір қалдыру үшін
Даник
10 января 2018, 18:42"Қазақ хандығы" керемет түсірілген фильм. Маған өте ұнады. Негізі, осы сынды туындылар көбейе түссе екен...
Мырзахмет
14 января 2018, 02:25Значит, многим что-то не хватает в фильме. Думаю, не все гладко было сказано. Особенно с исторической стороны.