«Бақсы дуасы» фильмінің алғашқы демалыстағы жинағы
Өткен аптада экранға «Бақсы дуасы» психологиялық триллері, «Истерия» қорқынышты фильмі және «Айла: Соғыс қызы» түрік драмасы шықты. Қандай картиналар айналым үздігі атанды, ал қайсына көрермен назары жетпеді екен, барлығын Қазақстандағы кассалық жинақ* рейтингінен оқыңыздар.
Айналымдағы екінші апта «Кек алушылар: Мәңгілік соғыс» блокбастеріне 109 039 972 теңге әкелді. Кинотаспа сценарийін «Бірінші кек алушының» және «Тор 2: Түнек патшалығының» авторлары Кристофер Маркус және Стивен МакФили жазған. Режиссерлікті «Бірінші кек алушы: Басқа соғысты» түсірген ағайынды Руссолар қолға алды. Фильм Marvel-дің ең кассалы жобасы атанды: әлемдік жинағы 1,6 миллиард долларға жетті.
Екінші орынды «Собибор» әскери драмасы иеленді. Оның екінші демалыстағы кассалық жинағы 8 060 878 теңгені құрады. Картина шынайы оқиғаларға негізделген және Екінші дүниежүзілік соғыс жылдарындағы Собибор ұлтшыл өлім лагері туралы баяндайды. Фильмнің басты кейіпкерінің прототипі - Александр Печерский – түсірілім кезінде тірі болған және Ростов-на-Донуда тұрған еді.
Уэс Андерсонның анимациялық фильмі үшінші орынға жайғасып, 7 363 200 теңге көлемінде пайда тапты. Мультфильм 2018 жылғы Берлин кинофестиваліне қатысып, үздік режиссерлік жұмыс үшін «Күміс аюды» иеленді. Кинотаспа кейіпкерлерін голливуд актерлары: Билл Мюррей, Скарлетт Йоханссон және Тильда Суинтон дыбыстады.
«Истерия» қорқынышты фильмі 7 060 200 теңге жинады. Жобаның қоюшы-режиссері актер, сценарист әрі продюсер Дэннис Илиадис болды. Оның портфолиосында үш толық метр және екі қысқаметражды жұмысы бар. Илиадистің соңғы жұмыстарының бірі – «Сол жақтағы соңғы үй» (2009) хорроры.
«Қаз әке-ана» мультфильмі 5 223 900 теңге жинады. Картина АҚШ пен Қытайдың коөнімі болып табылады, сондай-ақ актер Скотт Эткинсонның сценарист ретіндегі дебюті болды. Эткинсон белгілі «Декстер», «Алда мені», «Сүйектер» және «Теңіз полициясы: Арнайы бөлім» телехикаялары арқылы танымал.
«Түнекте тыныс алу» триллері 4 172 000 теңге жинады. Фильмдегі оқиға сюжеті Франция астанасында болған, алайда фильм түсірілімі Сент-Уан-л`Омонда өткен. Қалашық Париждің солтүстік-батысында орналасқан. Кейбір көріністер Bry-sur-Marne студиясының павильондарында түсірілді. Түсірілім 2017 жылдың 13 ақпанынан 19 сәуірге дейін жалғасқан.
«Айла: соғыс қызы» түсірк таспасы тұсаукесерлі демалыста 3 559 500 теңге жинады. Режиссер Джан Улкаидың бұл картинасы «Шет тіліндегі үздік фильм» аталымы бойынша «Оскар-2017» үміткерлерінің тізіміне енді. Фильмге түрік киносының жұлдыздары Четин Текиндори мен Исмаил Хаджиоглу түсті.
«Анон» психологиялық триллері 3 494 400 теңге көлемінде пайда тапты. Фильм қоюшысы Эндрю Никкол – «Труман шоуы» және «Терминал» сынды картиналардың сценаристі. Режиссер басты рөлдердің біріне бірінші болып, Клайв Оуэнды («Күнәлар қаласы») бекіткен, кейін кастаға Аманда Сайфред қосылды.
1 миллион теңгеге жуық жинаған фильмдер: «Шындық немесе әрекет» - 1 727 600 теңге, «Өлім музасы» - 1 484 908 теңге, «Рэмпейдж» - 1 336 200 теңге және «Смешариктер. Дежавю» - 1 044 709 теңге.
«Бақсы дуасы» отандық таспасының жинағы алғашқы демалыста 912 500 теңгені құрады.
*Материал Meloman Entertainment және Ticketon.kz компанияларының мәліметтері бойынша дайындалды.
.jpg)
пікірлер жоқ, бірінші болыңыз
Пікір қалдыру үшін