«Америкадағы қазақша кәсіп» фильмінің трейлері
28 желтоқсанда отандық айналымға «Америкадағы қазақша кәсіп» комедиялық фильмі шығады. Картина авторлары көрермендерді ұзақ күттірмеу үшін ресми трейлерді ұсынды.
«Америкадағы қазақша кәсіп» комедиясы – 2016 жылдың желтоқсан айында киноэкранға шыққан «Қазақша кәсіп» фильмінің жалғасы. Жаңа бөлімде алғыр Жомарт достарымен бірге Лос-Анджелеске аттанады, сол жақта қонақ үйіне әлемдік бедел алуға тырысады. Алайда, іссапар қызықты шытырман оқиғаға айналады.
Картинадағы кейіпкерлерді қайтадан Нұрлан Қоянбаев, Жан Байжанбаев, Қажет Смағұлов және Гүлназ Жоланова сомдайды. Сонымен қатар, комедияға американдық актерлар да түскен.
Фильм режиссері - Жеңісхан Момышев, жобаның бас продюсері - Нұрлан Қоянбаев. Таспа сценарийін Сәбит Рахымбаев және Әуэз Әуэзов жазды. Қоюшы-операторы ретінде Азамат Дулатов шақырылды.
Кинотаспа биылғы жылдың тамыз айынан қыркүйекке дейін Алматы мен Лос-Анджелесте түсірілді.
пікірлер жоқ, бірінші болыңыз
Пікір қалдыру үшін