«Қыз бен теңіз» әлеуметтік драмасының трейлері

12 Февраля, 2018
Мадина
2 112
0

«Қазақфильм» киностудиясы мен «Жаңа әлем» студиясы «Қыз бен теңіз» әлеуметтік драмасының трейлерін ұсынды. Кинотаспа режиссерлер мен сценаристтер Әзизжан Заиров пен Мұхамед Мамырбековтың «Шексіз мүмкіндіктер» дилогиясының екінші бөліміне айналды.

«Қыз бен теңіз» фильмінде мүгедек қыз Әсел жайлы баяндалады. Кейіпкер өзінің ауруына қарамастан, отбасын құрып, ана атануды армандайды. Аяқ астынан оның өмірінде өз тағдырын байланыстырғысы келетін адам пайда болады. Әсел бақытты болу үшін көптеген сынақтар мен қиындықтардан өтеді.

Бас кейіпкерді Мүгедек балалардың ата-аналары қауымдастығының мүшесі Динара Шарипова сомдады, оның өмірлік оқиғалары фильмге арқау болды. Оның түсірілімдегі әріптесін Тахир Омаров сомдады. Сондай-ақ, көрермендер картинадан Гүлбахрам Байбосынова мен Қанағат Тасқараевты көре алады.

Әзизжан Заиров пен Мұхамед Мамырбеков картинаны шығаруға 3 жыл уақыт жұмсады. 2017 жылы оларға Мәдениет және спорт министрлігі қолдау көрсетті.

«Қыз бен теңіз» фильмінің түсірілімі Алматы қаласында өтті. Түсірілім былтырғы жылдың маусымынан тамыз айына дейін созылды.