«Алтыншы бекет» толықметражды фильмінің түсірілімі аяқталды
Режиссер Серікбол Өтепбергенов «Алтыншы бекет» фильмінің соңғы көріністерін түсіріп бітті. Кинотаспа бір айдан астам уақыт бойы «Қашу» уақытша атауымен түсірілген.
«Алтыншы бекет» картинасы 2010 жылы Ақтауда болған шынайы оқиғаға құрылған. Қатаң тәртіптегі колониядан 20-дан астам тұтқын қашып кеткен еді, жас әскери қызметкерлер өмірлерін қауіпке тігіп, оларды тоқтатқан болатын.
Фильм сюжеті бойынша осы қатаң тәртіптегі колонияға күзетшілер құрамына 19 жасар Ерлан Қаратаев келеді. Жігіт келген соң, кісі өлімі үшін жазасын өтеп жүрген сыныптасы Дәуренді жолықтырады. Алайда, Дәурен мен бірнеше тұтқынның қашуға дайындалып жүргенін ешкім сезбейді.
Бұрынғы қайғылы оқиғаны экран арқылы көрсету идеясын Қазақстан Республикасы Ұлттық ұланының тәрбие және әлеуметтік-құқықтық жұмыстар жөніндегі бас қолбасшысы, генерал-майор Мұхаметқали Құсайынұлы Сатов ұсынды. Оқиғаны киносценарийге Азамат Айтжанов бейімдеді.
Көрермендер драмадан Санұржан Сүлейменовты, Жасұлан Өмірбекті, Саят Исембаевты, Ғани Құлжановты және Серік Салқынбаевты көре алады.
«Алтыншы бекет» айналымға келесі жылдың басында шығады. Кейін фильм хикая ретінде «Хабар» телеарнасынан көрсетіледі.
Кинотаспаны «АЮ синема» компаниясы түсірген.
Суреттер «АЮ синема» кинокомпаниясының Instagram-дағы ресми парақшасынан алынды
2 пікір
Пікір қалдыру үшін
Шарим Сарыбаев
17 желтоқсан 2017, 03:19Будет весело! Жестко но весело!)))
Мырзахмет
21 желтоқсан 2017, 22:56Думаю, этот фильм был замыслом о пограничных постовых.