«Ессіз әйелдің күнделігі» фильмінің түсірілімі аяқталды

19 Апреля, 2018
BrodKaz
1 473
0

Alma pictures Batyroff production-мен бірлесе отырып «Ессіз әйелдің күнделігі» фильмінің түсірілімін аяқтады. Картинаны Алматыда бір айдан аса уақыт түсірді.

Фильмнің бас кейіпкері - желідегі танымал кейіпкер Ессіз әйел. Толықметражды картинадан көрермендер «ол кім және қайдан келді?» деген секілді көптеген сұрақтарға жауап алатын болады. Ол шын мәнісінде неден қорқады және Нұрланды қалай өзіне ғашық етті?

Ессіз әйелдің рөлін Нұрлан Батыров сомдады. Сондай-ақ, фильмге танымал актерлар мен блогерлер түсті: Ерден Телемісов, Шәріп Серік, Айжан Байзақова, Ирина Ажмұхамедова, Динара Бақтыбаева, Қуаныш Жолжақсынов.

«Біз Нұрланмен бұрыннан жақсы доспыз. Ол маған хабарласып, тәртіп сақшысының рөлін ұсынды. Мен қуана келістім. Түсірілім алаңының атмосферасы өте жағымды, әрі үйлесімді және барлығы жұмысқа беріле кіріскен. Түсірілімнің аяқталғаны өкінішті-ақ. Мұндай топпен әлі де жұмыс істей бергің келеді», - деп түсірілімдегі әсерімен бөлісті режиссер Әуез Әуезов және актер Шыңғыс Балгөжиев.

Фильмнің продюсері ретінде Алмагүл Тілеуханова («Бойжеткен») жұмыс істеді, ал сценарий авторы, әрі қосалқы продюсер – Кәрім Қадырбаев. Таспаның қоюшы режиссері – Еділ Амандықов.

«Ессіз әйелдің күнделігі» экранға осы жылы шығады.