«Таулар түнегінде» қорқынышты фильмінің түсірілімі аяқталды

15 Қараша, 2017
Мадина
921
0

Жақында «Таулар түнегінде» көркем фильмінің түсірілімі аяқталды. Картина бір ай бойы Іле Алатау ұлттық табиғи саябағында түсірілді. Бұл - режиссер Данияр Ақшабаевтың дебютті жұмысы.

Таспа қорқынышты фильм жанрында түсірілген, достарымен бірге демалуға баратын студент туралы баяндайды. Кейіпкерлер ну орманда демалудың орнына, өмір үшін күреседі. Бұрынғы зұлымдық оянып, қанды аңсайды.

«Түсірілім барысы тамаша өтті! Топтың барлығы көңілді болып жүрді, кез-келген қиындықты күліп жүріп шештік. Тобымыз керемет естеліктерге куә болды», - деп бөлісті режиссер.

_{«Таулар түнегінде» фильмінің түсірілім тобы}

Картинаға Данияр Бейсекеев, Албан Тілеуберді, Алмас Жарасқанов, Сәбина Ералина, Назерке Әмірова, Максим Богомолов, Рысқұл Қонақбаев, Шарипов Арыстан және Жәлелов Пархат сынды жастармен қатар, кәсіби актерлар түсті.

Сонымен қатар, жобамен қоюшы-оператор Қазбек Әміржанов пен қоюшы-суретші Ринат Шашубаев айналысты. Екінші режиссер Ольга Ем болды, атқарушы продюсері - Олжас Мұхамеджанов.