Әділхан Ержанов «11-ықшам ауданындағы атыс» фильмінің түсіріліміне кірісті
Режиссер әрі сценарист Әділхан Ержанов көрермендерге жаңа кинокартина дайындап жатыр. Жақында «11-ықшам ауданындағы атыс» көркем фильмінің түсірілімі басталды.
«11-ықшам ауданындағы атыс» кинотаспасы драма жанрында түсірілуде және заманауи Ромео мен Джульеттаның хикаясын баяндайды. Картинадағы басты рөлді Динара Бақтыбаева сомдамақ. Актрисаның портфолиосында аталмыш драма жетінші толықметражды картина болып есептеледі.
«11-ықшам ауданындағы атыс» фильмінің түсірілімінен көрініс
Ал Әділхан үшін фильм жетінші режиссерлік және тоғызыншы сценарийлік жұмысы болмақ. Режиссер картиналарының арқасында көптеген жүлделерге ие болған. Олардың арасында Роттердам ХКФ жүлдесі, «Киношок-2016» фестивалінің «Алтын сабағы», «Киносыншылар-2017» жүлдесі және XII «Еуразия» кинофестивалінің сыйлығы бар.
Кинотаспа 2015 жылы Астана банкі «Sataifilm» мен «KCG» компанияларымен бірігіп негізін қалаған «Astana film fund» қорымен өндірілуде. Ұйымдастырушы мекеменің негізгі мақсаты – Қазақстан кинематографында жаңа бейнелерді ашу және дамыту.
пікірлер жоқ, бірінші болыңыз
Пікір қалдыру үшін