Желіге Әділхан Ержановтың «Әлемнің мейірімді бейжайлығы» фильмінің трейлері шықты
Желіде Әділхан Ержановтың «Әлемнің мейірімді бейжайлығы» фильмінің трейлері пайда болды. Фильмнің әлемдік тұсаукесері 17 мамырда Каннда болды. Картина 71-ші Канн кинофестивалінің «Ерекше көзқарас» бағдарламасына енді.
«Әлемнің мейірімді бейжайлығы» картинасының кейіпкерлері – ғашықтар Салтанат (Динара Бақтыбаева) пен Қуандық (Қуандық Дүйсембаев). Жұп жағдайға байланысты ауылды тастап, қалаға кетуге мәжбүр болады. Олар үшін қаладағы өмір нағыз сынаққа айналады: қала екеуінің бар құндылығын құртуға, тіпті махаббаттарын бұзуға тырысады.
Кинотаспа түсірілімі 2017 жылы жазда өткен. Жоба уақытша «11-ықшам аудандағы атыс» деп аталған еді. Картина Short Brothers-пен Astana film fund компаниясымен өндірілді.
Айта кету керек, «Әлемнің мейірімді бейжайлығы» фильмінің түсірілім тобы кинофестивальдің ашылуына қатысқан және әлі де Каннда жүр.
пікірлер жоқ, бірінші болыңыз
Пікір қалдыру үшін