«Бостандықтың елу реңкі» фильмінің бірінші демалыстағы кассалық жинағы 250 млн теңгеден асты

• 16 Февраля, 2018
• Индира Бекмахамбет
• 1 529
• 0

Өткен аптада отандық айналымға «Сұрдың елу реңкі» эротикалық франшизасының соңғы бөлімі – «Бостандықтың елу реңкі», жындардың пайда болуы жайлы баяндайтын «Уиджи: Верониканың қарғысы» және ересектерге арналған комедия - «Әйелдер ерлерге қарсы: Қырымдағы демалыс» фильмдері шықты. Қазақстанда өткен апталық қорытынды бойынша аталмыш фильмдер қандай касса жинағанын төменнен оқи аласыз.

Отандық айналымда «Бостандықтың елу реңкі» алғашқы демалыста 271 336 800 теңге жинап, көш бастады. Дакота Джонсон үшін фильмнің соңғы бөлімінде қолының кісенделгені қиындық тудырған. Актриса сұхбаттардың бірінде оған көзі жабық күйде торға байланып ойнаудың қиын болғанын мойындады.

«Өрлеу» драмасының айналымы төмендеді. Өткен демалыста картина 20 610 300 теңге жинаған болатын. Кинотаспаны 6 камераға түсірді. Бір камераны «Өрмекші» деп атады, оны ММУ-дың инженер-студенттері ойлап тапты. Камера жоғарыдан түсіру үшін шынжырға байланып төбеге бекітілді.

«Эббинг шекарасындағы үш билборд, Миссури» фильмі 17 753 800 теңге жинады. Бастапқыда режиссер Мартин МакДона сценарийді жазған кезде бас кейіпкердің рөлін актриса Фрэнсис МакДорманд сомдайды деп елестетті. Бірақ, актриса ұсыныс түскеннен кейін ұзақ уақыт нақты жауап бере алмады. Ақыры соңында, Фрэнсисті фильмге түсуге жұбайы көндірді.

«Ұрыларды ұстау» атыс-шабыс фильмі 17 520 000 теңге жинап, төртінші қатарға түсіп қалды. Актер Джерард Батлер бірнеше ай бойы фильм сценарийін елемеді, ал оны оқығаннан кейін таңданысын жасыра алмады. Нәтижесінде, Батлер тек бас кейіпкерді сомдап қана қойған жоқ, картинаның продюсері де болды.

«Әйелдер ерлерге қарсы: Қырымдағы демалыс» ресейлік комедиясы тұсаукесерлі демалыста 17 301 707 теңге жинады. Бұл - Леонид Марголиннің екінші толықметражды режиссерлік жұмысы. Біріншісі - «Барлығы ерлер жайлы» фильмі (2016). Таспа түсірілімі 2017 жылдың шілдесінде Қырымда өтті. Бірінші бөлімнің режиссері Таир Мамедов болды.

«Пүліш құбыжық» анимациялық фильмі 11 228 533 теңге жинады. Бас кейіпкерді бразилиялық продюсер, режиссер, актер және әнші Селтон Мелу дыбыстады. 46 жастағы актердің 60-қа жуық жобасы бар. Сондай-ақ, картинаға Бразилияның талантты киножұлдызы Паола Оливейра да қатысты.

«Уиджи. Верониканың қарғысы» хорроры алғашқы демалыста 9 691 855 теңге жинады. Картина 1991 жылы Эстефания Лазаромен болған шынайы оқиғаларға негізделген. Ол Уиджиді сомдағанда 18 жаста болатын. Бірнеше ай өткеннен кейін оның үйінде түсініксіз құбылыстар орын алды, ал 6 айдан кейін Эстефания қайтыс болды.

«Астрал 4: Соңғы кілт» 5 642 515 теңгемен сегізінші орынды иеленсе, тоғызыншы орын 4 457 600 теңгемен «Лабирентпен жүгіру: Өлімге қарсы дәрі» кинофантастикасына бұйырды.

Өткен аптада жеңіліс тапқандар: 3 628 500 теңге жинағымен «Эльфтар тағы» мультфильмі, «Паддингтонның хикаялары 2» отбасылық киносы 2 408 000 теңге және «Селфи» ресейлік трейлері 2 400 923 теңге жинады.

Мәліметтер Meloman Entertainment компаниясы және Ticketon.kz сайты мәліметтері бойынша дайындалды.

• 16 Февраля, 2018
• Индира Бекмахамбет
• 1 529
• 0