«Тракторшының махаббаты» сериалы экранға қайта оралады
«НТК» телеарнасы «Тракторшының махаббаты» («Любовь тракториста») сериалын қайталап көрсетпек. 16 сериалы фильм демалыс күндерінен басқа күндері 16:20-да көрсетіледі.
«Тракторшының махаббаты» - қалалық сұлу қыз Белла туралы мелодрама. Сюжет бойынша болашақ күйеуімен кездесуге асығып бара жатқан қыз жол-көлік апатына ұшырайды. Есін жиса, ол бейтаныс ауылдағы тракторшының үйінде екен. Кейіпкер бөтен адамдармен танысады, оны шытырман оқиға мен үлкен махаббат күтіп тұр.
Басты рөлдерде: Кәмшат Жолдыбаева және Берік Айтжанов. Сондай-ақ сериалға Гүлжан Қалыбаева, Димаш Азимов, Қадырбек Демесін, Айсәуле Бақытбек және басқалар түсті.
Көпсериалы фильмнің режиссеры - Асқар Ұзабаев, ол «Ғашық жүрек», «Осторожно, корова!», «Гламур для дур» картиналары арқылы белгілі. Жобаның продюсері Баян Есентаева. Мелодраманың сценарийін жазған Данияр Күмисбаев. Қоюшы-операторы - Азамат Дулатов.
«Тракторшының махаббаты» Алматы облысындағы Саймасай ауылында түсірілді. Түсірілім 2013 жылдың жазында өтті, сол жылдың күзінде лента телекөрермендерге ұсынылды.
пікірлер жоқ, бірінші болыңыз
Пікір қалдыру үшін