«Mamma Mia! 2»: тұсаукесерден соң Шер ABBA әндерінің кавер-нұсқаларынан тұратын альбом шығаруға дайындалуда
«Mamma Mia! 2» мюзиклінің тұсаукесерінен кейін Шер әйгілі ABBA тобы әндерінің кавер-нұсқаларынан тұратын альбом шығаруға дайындалып жүр. «Бұл сіздер ABBA-ны еске түсіргенде, ойлайтын дүние емес, өйткені мен оны басқаша жасаймын. Фильмде «Fernando» әнін орындаған соң, ABBA әндерінен бүтін бір альбом жазудың расында қызықты болатынын ойладым», - деді әнші әрі актриса. Дегенмен, Шер үнтаспаның шығуы жайлы нақты ақпаратты айтпай отыр.
«Mamma Mia! 2» фильмінде Шер Доннаның (Мэрил Стрип, «Құпия құжаттама», «Үлкенді-кішілі өтірік» хикаясы) анасы мен Софидің (Аманда Сайфред, «Анон», «Қауіпті кәсіп») апасын сомдайды. Бір қызығы, әнші шынайы өмірде Мэрил Стриптен үш жасқа ғана үлкен.
«Бұл менің өмірімдегі ең ерекше оқиға болды. Барлығының маған жақсы қарағаны соншалық, олар мені жәй ғана жақсы көрді, ал мен «Fernando» әнін орындағанда, Мэрил жасырынып тұрды», - деді Шер түсірілім жайлы.
«Mamma Mia! 2» мюзиклі 2018 жылдың 16 тамызынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін